शपथको तयारी पूरा, मन्त्रीको नामै आएन! कर्णालीमा नेकपाको किचलो

नेपाली कम्युनिस्ट पार्टी (नेकपा)को आन्तरिक किचलोका कारण कर्णाली प्रदेश सरकारमा सहभागी हुने तीन मन्त्रीको शपथ कार्यक्रम अन्तिम समयमा स्थगित भएको छ।
         कर्णाली सरकारमा सहभागी हुने तीन मन्त्रीको शपथ सोमबार बिहान ११ बजेका लागि तय गरिएको थियो। मुख्यमन्त्री मङ्गलबहादुर शाहीले प्रदेश प्रमुखको कार्यालयसँग शपथका लागि समय माग गरेपछि प्रदेश प्रमुखको कार्यालयले बिहान ११ बजेको समय तोकेको थियो।
       तर, नेकपाभित्रै मन्त्री छनोटको विषयमा सहमति जुट्न नसकेपछि मुख्यमन्त्री शाहीले मन्त्रीहरूको नाम सिफारिस गर्न सकेनन्। त्यसपछि निर्धारित शपथ कार्यक्रम स्थगित भएको हो।
       नेकपा कर्णाली सरकारमा भौतिक पूर्वाधार तथा सहरी विकास, उद्योग, पर्यटन, वन तथा वातावरण र भूमि व्यवस्था, कृषि तथा सहकारी मन्त्रालयसहित तीन मन्त्रालयको जिम्मेवारीमा सहभागी हुँदैछ।
यसअघि नेकपा (एमाले)बाट तीन मन्त्री नियुक्त भइसकेका छन्।

तर, एमालेका मन्त्री नियुक्त भएको करिब एक साता बितिसक्दा पनि मुख्यमन्त्री शाहीले आफ्नै दलभित्रको भागबन्डा र मन्त्री छनोटसम्बन्धी विवाद टुंग्याउन नसक्दा शपथ रोकिएको हो।