बाँसगढीमा SEE २०८२ को नतिजा : ८३.५३ प्रतिशत विद्यार्थी ग्रेडेड, सामुदायिकतर्फ ९६.९६ लालिगुराँस मावि माछागढ उत्कृष्ट

बर्दियाको बासगढी नगरपालिकामा सञ्चालित १४ सामुदायिक र ६ संस्थागत विद्यालयबाट SEE परीक्षा २०८२ मा सहभागी ९०५ विद्यार्थीमध्ये ७५६ जना अर्थात् ८३.५३ प्रतिशत विद्यार्थी ग्रेडेड भएका छन्।

नगरपालिकाले सार्वजनिक गरेको प्रारम्भिक नतिजाअनुसार बर्दियाको बासगढी नगरपालिका अन्तर्गत रहेको लालिगुराँस माध्यमिक विद्यालय, माछागढले SEE परीक्षा २०८२ मा उत्कृष्ट नतिजा हासिल गरेको छ। विद्यालयबाट सहभागी ३३ विद्यार्थी मध्ये ३२ जना ग्रेडेड भएका छन् भने १ जना ननग्रेडेड भएका छन्। विद्यालयले कुल ९६.९६ प्रतिशत नतिजा हासिल गर्दै नगरपालिकाभित्र उत्कृष्ट विद्यालयमध्ये आफ्नो स्थान बनाउन सफल भएको हो।

लक्ष्मी माध्यमिक विद्यालय, चेपाङ सहभागी ७९ विद्यार्थी मध्ये ७३ जना ग्रेडेड हुँदा धेरै विध्यार्थी ग्रेटेट बनाउने विध्यालय बन्न सफल भएको छ।

विद्यालयले ९२.४ प्रतिशत नतिजा हासिल गरेको हो।

त्यसैगरी संस्थागत विद्यालयतर्फ भने पाँच विद्यालयले शतप्रतिशत नतिजा ल्याउँदै संयुक्त रूपमा प्रथम स्थान हासिल गरेका छन्।

शतप्रतिशत नतिजा ल्याउने विद्यालयहरूमा :

युनाइटेड पब्लिक स्कुल १००%                   

बाँसगढी एकेडेमिक पब्लिक स्कुल १००%

बालज्योति मावि, ककौरा १००%

मातृभूमि मावि, ककौरा १००%

गोल्डेन फ्युचर मावि, बेलवा १००%

स्वस्तिक एरा मा वि बाँसगढी मा  ८८.८८% 

सामुदायिक विद्यालयतर्फ कुल ८०० विद्यार्थी सहभागी भएकामध्ये ६५२ जना ग्रेडेड भएका छन् भने संस्थागततर्फ १०५ मध्ये १०४ जना ग्रेडेड भएका छन्।

बासगढी नगरपालिकाले यस वर्षको SEE नतिजालाई उत्साहजनक भएको जनाएको छ।