ताजाकोट गाउँपालिकाको प्रशासकीय भवनमा आ 'गला 'गी, लेखाका सम्पूर्ण कागजात जले

ताजाकोट गाउँपालिकाको प्रशासकीय भवनमा आइतबार राति आगलागी भएको छ । आगलागीबाट लेखा समिति तथा श्रेस्ता राखिएको एउटा कोठामा क्षति पुगेको छ ।

गाउँपालिकाका उपाध्यक्ष सुरेन्द्र थापाका अनुसार राति करिब १ बजे आगलागी भएको हो । ‘एउटा कोठामा मात्रै आगलागी भएको जानकारी आएको छ,’ उनले भने, ‘त्यहाँ लेखा र न्यायिक समितिसँग सम्बन्धित कागजात तथा श्रेस्ता राखिएका थिए ।’

आगलागीबाट कति कागजात र सामग्रीमा क्षति पुगेको भन्ने यकिन विवरण भने संकलन भइसकेको छैन । आगलागीको कारणसमेत खुल्न बाँकी छ । घटनाबारे छानबिन भइरहेको उपाध्यक्ष थापाले बताए ।