तीजको मौलिक स्वाद बोकेको ‘माइतीको दैलो बरिलै’ सार्वजनिक, नेपाली संस्कृति संरक्षणको सशक्त सन्देश

नेपाली मौलिकता, चेली–माइतीबीचको आत्मीय सम्बन्ध र तीज पर्वको सांस्कृतिक महत्वलाई केन्द्रमा राखेर निर्माण गरिएको नयाँ तीज गीत ‘माइतीको दैलो बरिलै’ सार्वजनिक गरिएको छ।
गीतका निर्माता भुवन खरालका अनुसार पछिल्ला वर्षहरूमा तीज गीतमा बढ्दो आधुनिक प्रभावका बीच नेपाली लोकभाका, परम्परागत संस्कृति र मौलिक पहिचानलाई पुनः स्थापित गर्ने उद्देश्यले गीत तयार गरिएको हो।

     गीतले चेलीको माइतीप्रतिको माया, बाल्यकालका अविस्मरणीय सम्झना, माइतीघरको आत्मीय वातावरण, परिवारसँगको भावनात्मक सम्बन्ध तथा तीज पर्वको सामाजिक–सांस्कृतिक महत्वलाई मार्मिक ढंगले प्रस्तुत गरेको छ।

     गीतकार भानुभक्त रिजालका अनुसार शब्द, संगीत, गायन, परम्परागत वाद्यवादन, छायाङ्कन, सम्पादन, निर्देशन, रङ संयोजन, कोरियोग्राफी, पहिरन, मेकअप र लोकेसन छनोटसम्म नेपाली मौलिकता झल्किने गरी विशेष ध्यान दिइएको छ। भिडियोमा ग्रामीण परिवेश, परम्परागत नेपाली पहिरन र तीजसँग जोडिएका सांस्कृतिक गतिविधिलाई कलात्मक रूपमा उतारिएको दाबी गरिएको छ।
निर्माण टोलीले कलाकार, सर्जक तथा         

     प्राविधिकहरूको सामूहिक मेहनत र सिर्जनात्मक समर्पणले गीतलाई उत्कृष्ट बनाउन महत्वपूर्ण भूमिका खेलेको जनाएको छ। साथै, सम्पूर्ण सहयोगी, शुभचिन्तक तथा दर्शक–श्रोताप्रति आभार व्यक्त गर्दै गीत हेर्न, सुन्न, प्रतिक्रिया दिन र साझा गरी नेपाली मौलिक कला, भाषा र संस्कृतिको संरक्षण अभियानमा साथ दिन सबैमा आग्रह गरेको छ।

            निर्माण पक्षले आगामी दिनमा पनि नेपाली मौलिक कला, भाषा, संस्कृति र परम्पराको संरक्षण तथा प्रवर्द्धन गर्ने यस्ता सिर्जनाहरू निरन्तर ल्याउने प्रतिबद्धता व्यक्त गरेको छ।