कर्णाली समृद्धि महोत्सव–२०८२ सुरु , भोलि चर्चित कलाकारको दमदार प्रस्तुति रहने

कर्णाली प्रदेशको सांस्कृतिक पहिचान, पर्यटन प्रवर्द्धन तथा कृषि–व्यापार विस्तार गर्ने उद्देश्यले “कर्णाली समृद्धि महोत्सव–२०८२” वीरेन्द्रनगर–१, रेडियो नेपाल परिसरमा आयोजना  भएको छ। महोत्सव चैत ११ गतेदेखि सुरु भएको यो महोत्सव २२ गतेसम्म सञ्चालन हुनेछ।

महोत्सवमा भोलि नेपाली सांगीतिक क्षेत्रका चर्चित कलाकारहरू सत्यराज आचार्य, स्वरूपराज आचार्य र टिका पुन को विशेष प्रस्तुति रहने आयोजकले जनाएको छ। साथै मोडल तथा कलाकार चिरञ्जीवी सापकोटा र मगर यामु को प्रस्तुति पनि दर्शकका लागि आकर्षणको केन्द्र बन्ने अपेक्षा गरिएको छ।

विशेषगरी चैत १३ गते महोत्सवको मुख्य आकर्षणका कार्यक्रमहरू प्रस्तुत गरिनेछन्, जसले दर्शकलाई मनोरञ्जनसँगै कर्णालीको मौलिक संस्कृति अनुभव गराउने विश्वास लिइएको छ।
महोत्सव अवधिभर स्थानीय कला–संस्कृति झल्किने कार्यक्रम, पर्यटन प्रवर्द्धनका गतिविधि, कृषि तथा व्यापारिक स्टल, परिकार प्रदर्शनी लगायत विविध कार्यक्रम सञ्चालन हुनेछन्।

आयोजकले महोत्सवमार्फत कर्णालीको आर्थिक, सामाजिक तथा सांस्कृतिक विकासमा टेवा पुग्ने विश्वास व्यक्त गर्दै सबैलाई सहभागी भई महोत्सव सफल बनाउन आह्वान गरेको छ।