समाचार
दैलेखमा जातीय विभेदको कलङ्क : पानी छोएको निहुँमा महिलामाथि निर्मम कुटपिट
सोमबार, कात्तिक १७, २०८२
दैलेख जिल्लाको आठबिस नगरपालिका–४ राखम, कर्णालीमा जातीय विभेदका कारण एक महिलामाथि कुटपिट गरिएको घटना सार्वजनिक भएको छ।
स्थानीयका अनुसार पानी छोएको विवादलाई लिएर एक दलित महिलामाथि कुटपिट गरिएको हो। यो घटना बाहिरिएपछि गाउँमा तनाव सिर्जना भएको छ।
मानवअधिकारकर्मी र सामाजिक अभियन्ताहरूले घटनाको कडा निन्दा गर्दै दोषीमाथि कडा कानुनी कारबाही गर्न माग गरेका छन्। दलित अभियान्ता कर्णाली प्रदेशका संयोजक मोहन सुनारले यो घटनालाई लिएर दोषीलाई कारबाही गर्न माग गरेका छन्।
उनीहरूले यसलाई जातीय विभेदविरुद्धको चेतनाको अभावको परिणाम भन्दै पीडितलाई न्याय दिलाउन सम्बद्ध निकायलाई आग्रह गरेका छन्।
यस घटनाले फेरि एकपटक कर्णालीमा जातीय समानता र सामाजिक सहअस्तित्वका विषयमा गम्भीर प्रश्न खडा गरेको छ।
प्रकाशित मिति: सोमबार, कात्तिक १७, २०८२
प्रतिक्रिया दिनुहोस्
थप समाचार
भर्खरै
- सुर्खेतमा एमाले नेता महेश बस्नेतको आगमन : युवाहरूको सडक प्रदर्शनसहित विरोध, केहीबेर तन्हाइँ–पछि स्थिति सामान्य
- बजार अनुगमनलाई तीव्र पार्दै वाणिज्य बिभाग
- बिहान दुध चिया पिउनुका प्रमुख फाइदा
- खगेन्द्र सुनार नेतृत्वको ‘हाम्रो पार्टी नेपाल’ दर्ता, गोलो घेराभित्र ‘लाइक’ चिन्हसहित नयाँ राजनीतिक यात्रा सुरु
- आज सुर्खेत काक्रेबिहार जंगलमा युवायुवती झुण्डिएको अवस्थामा फेला, सनाखतपछि अनुसन्धान तीव्र
साताको लोकप्रीय
