वि.स. २०७२ को भूकम्पले क्षतिग्रस्त बनाएको नक्सालको बाल मन्दिरको पुनर्निर्माण प्रक्रिया ०७६ मा मात्रै सुरू भयो।

पाँच वर्षमा पटकपटक गरी २५ महिना त म्याद नै थप गरिएको छ। 

केन्द्रीय आयोजना कार्यान्वयन इकाइ (भवन तथा आवास) का आयोजना उपनिर्देशक अविनाश श्रीवास्तवका अनुसार उक्त कम्पनीसँग २०७६ कात्तिक २० गते सम्झौता गरेको थियो।

रेट्रोफिटिङ र फिनिसिङ कामका लागि २ वर्षको समय दिइएको थियो। पाँच वर्ष बितिसक्दा करिब ७१ प्रतिशतमात्रै काम सकिएको हो। 

निर्माण कम्पनीले अगाडिको भाग मात्रै बनाएको जस्तो देखाएका छाडेको नेपाल बाल संगठनकी अध्यक्ष विद्या उपाध्याय न्यौपानेले बताइन्।