जन ज्ञानकुञ्ज क्याम्पसमा विवादः उम्मेदवारी दर्ता प्रक्रिया अवरुद्ध, तालाबन्दी

जन ज्ञानकुञ्ज क्याम्पसमा विवादः उम्मेदवारी दर्ता प्रक्रिया अवरुद्ध, तालाबन्दी

जाजरकोट जिल्लाको छेडागाड नगरपालिकास्थित जन ज्ञानकुञ्ज क्याम्पस मा विद्यार्थी संगठनहरूबीचको विवादले निर्वाचन प्रक्रिया प्रभावित भएको छ। निर्धारित २ बजेपछि उम्मेदवारी दर्ताका लागि अनेरास्ववियू र नेविसंघ क्याम्पसमा आएका थिए, तर अखिल (क्रान्तिकारी) र एकीकृत समाजवादी निकट अनेरास्ववियू ले माइनट खोसेर मनोनयन दर्ता बन्द गराएको बताइएको छ।

यसक्रममा अनेरास्ववियूले निर्वाचन टिमलाई घेरेर दबाब दिएको र ५ बजे उम्मेदवारी दर्ता गराएको आरोप लागेको छ। नियमानुसार २७ गते बेलुकी ५ बजे नामावली प्रकाशन हुनुपर्नेमा २८ गते दिउँसो ३:३५ बजे मात्रै नामावली प्रकाशित गर्ने प्रयास भएपछि विवाद चुलिएको हो।

अखिल (क्रान्तिकारी) र समाजवादी निकट अनेरास्ववियू ले यस घटनालाई अस्वीकार्य भन्दै क्याम्पसमा तालाबन्दी गरेका छन्। निर्वाचन प्रक्रियालाई लिएर चर्किएको विवाद समाधानका लागि कुनै पहल भएको छैन।