लुम्बिनी प्रदेशमा मुख्य मन्त्री , सामाजिक विकास मन्त्रीको नेतृत्वमा ‘मेरो विद्यालय, मेरो दायित्व’ अभियान सुरु

लुम्बिनी प्रदेशका मुख्यमन्त्री चेतनारायण आचार्य र सामाजिक विकास मन्त्री जन्मजय तिमिल्सिना को नेतृत्वमा सञ्चालन हुने यो अभियान ऐतिहासिक मानिएको छ। यस अभियानमा प्रदेश सरकारका मन्त्रीहरू, सांसदहरू, प्रमुख सचिव, जनप्रतिनिधिहरू तथा सरोकारवालाहरू आफैंले अध्ययन गरेको विद्यालयमा पुगेर शैक्षिक सुधारका लागि योगदान गर्नेछन्।

अभियानको उद्देश्य र महत्व

शिक्षा क्षेत्रको विकासलाई प्राथमिकता दिँदै लुम्बिनी प्रदेश सरकारले यो अभियान सञ्चालन गर्न लागेको हो। यस अभियानले विद्यालयहरूका भौतिक संरचना सुधार, गुणस्तरीय शिक्षा प्रवर्द्धन तथा विद्यार्थीलाई प्रेरित गर्ने लक्ष्य राखेको छ।

मुख्यमन्त्री चेतनारायण आचार्य ले अभियानबारे बोल्दै भने, "विद्यालय भनेको ज्ञानको मन्दिर हो। हामी सबैले यसलाई अझ मजबुत बनाउन योगदान दिनुपर्छ। शिक्षाको उज्जवल भविष्य निर्माण हाम्रो साझा दायित्व हो।"

त्यसैगरी, सामाजिक विकास मन्त्री जन्मजय तिमिल्सिना ले यस अभियानलाई शिक्षा सुधारको आधारस्तम्भ बताउँदै भने, "हाम्रा विद्यालयहरू सशक्त भए मात्र समृद्ध समाजको परिकल्पना पूरा हुन सक्छ। यो अभियान शिक्षामा सकारात्मक परिवर्तन ल्याउने महत्त्वपूर्ण पहल हुनेछ।"

– विद्यालयको भौतिक पूर्वाधार सुधार तथा मर्मत
– शिक्षक तथा विद्यार्थीलाई आवश्यक शैक्षिक सामग्री वितरण
– छात्रवृत्ति तथा शैक्षिक सहयोग कार्यक्रम सञ्चालन
– व्यक्तिगत वा संस्थागत रूपमा विद्यालयलाई आर्थिक वा अन्य सहयोग प्रदान

यो अभियानले शिक्षा क्षेत्रमा दीर्घकालीन प्रभाव पार्ने विश्वास गरिएको छ। प्रदेश सरकारको आह्वानमा सबै नागरिक, पूर्वविद्यार्थी, र विभिन्न संघसंस्थालाई अभियानमा सहभागी भई आफ्नो विद्यालयको विकासमा योगदान दिन अनुरोध गरिएको छ।

"मेरो विद्यालय, मेरो दायित्व" अभियान भोलिदेखि लुम्बिनी प्रदेशभर उत्साहका साथ सुरु हुँदैछ। हाम्रै विद्यालयको उज्ज्वल भविष्यका लागि हामी सबैको साथ आवश्यक छ।

देशलाई शिक्षा क्षेत्रबाट  नै समाजिक रुपान्तरण मुलुकलाई   आर्थिक समृद्धिको  सम्भावना भएको मुख्य उद्धेश्यका साथ अभियान सुरु भएको छ। यस्लाई सफल पार्न सम्पुर्ण लुम्बिनी प्रदेशबासीलाई आह्वान मुख्य मन्त्री चेतनारायण आचार्य र सामाजिक विकास मन्त्री जन्मजय तिमिल्सिनाले गर्नु भएको छ। यो अभियानले सबै नागरिकलाई उत्साहित बनाएको छ।