हाम्रो पार्टी नेपाल : कर्णालीमा महोन सुनार प्रदेश सभापति, परिवर्तनको आशा अझ प्रबल

हाम्रो पार्टी नेपाल कर्णाली प्रदेशमा महोन सुनार प्रदेश सभापति बनेसँगै कर्णालीभर उत्साह चुलिएको छ। दलित अभियान कर्णालीमार्फत दश जिल्लामा नेतृत्व गर्दै आएका सुनारले समाजमा आत्मसम्मान, न्याय र अधिकारको लागि चलाउँदै आएको संघर्षलाई अब संस्थागत रूपमा अझ बलियो बनाउने अवसर पाएका छन्।

दलित समुदाय मात्र होइन, कर्णालीका सबै वर्गका नागरिक—युवायुवतीदेखि वृद्ध–वृद्धा र आमाबुबासम्मले उनको नेतृत्वप्रति खुशी र आशा व्यक्त गरेका छन्। समाज रूपान्तरणमा निस्वार्थ रूपमा समर्पित सुनारले गरिब, विपन्न, पीडित र पछाडि परेका व्यक्तिहरूका अभाव, समस्या र पीडा सुनेर समाधानमा अघि बढ्दै आएका छन्।

महोन् सुनार सभापति बनेसँगै कर्णालीका गाउँघर र छिमेकी बस्तीहरूमा न्याय, समावेशीकरण र परिवर्तनको नयाँ आशा पलाएको स्थानीयहरूले बताएका छन्।

हाम्रो पार्टी नेपाल कर्णालीको नेतृत्व सम्हाल्दै सुनारले आगामी दिनमा समता, सम्मान र सामाजिक न्यायलाई प्रमुख एजेन्डा बनाएर काम अघि बढाउने प्रतिबद्धता जनाएका छन्।

कर्णालीका नागरिकका अनुसार, “अब हाम्रो आवाज नेतृत्वसम्म पुग्छ, हाम्रो समस्या समाधानमा रूपान्तरण हुन्छ” भन्ने आशा थप प्रबल भएको छ।