दानबहादुर कार्कीले सम्हाले नेपाल प्रहरीको कमाण्ड
नेपाल प्रहरीको नेतृत्व आजदेखि अतिरिक्त महानिरीक्षक (एआईजी) दानबहादुर कार्कीले सम्हालेका छन्। प्रहरी नियमावलीमा उल्लेख भएको ३० वर्षे सेवा अवधिका कारण अघिल्ला आईजीपी चन्द्रकुवेर खापुङ २६ कात्तिक राति १२ बजेबाट अनिवार्य अवकाशमा गएपछि कार्कीले नेपाल प्रहरीको कमाण्ड सम्हालेका हुन्।
कात्तिक २५ गते बसेको मन्त्रिपरिषद् बैठकले कार्कीलाई नेपाल प्रहरीको सर्वोच्च पद **प्रहरी महानिरीक्षक (आईजीपी)**मा नियुक्त गरेको थियो। उनी आज बिहान प्रहरी प्रधान कार्यालय नक्साल पुगेर औपचारिक रूपमा जिम्मेवारी सम्हाल्ने कार्यक्रममा सहभागी भएका छन्। गृहमन्त्रालयमा दर्ज्यानी चिन्ह ग्रहण गरेपछि उनले पदभार ग्रहण गरेका हुन्।
२४ भदौमा ‘जेनजी आन्दोलन’को क्रममा कार्कीले उपत्यका प्रहरी कमाण्ड सम्हालेका थिए। त्यसअघि, २३ भदौमा उपत्यकाको कमाण्ड एआईजीविहीन बनेको थियो। उपत्यका कमाण्ड सम्हाल्नु अघि उनी प्रहरी प्रधान कार्यालयको मानव स्रोत साधन विभागका प्रमुख थिए।
यसअघि डीआईजीको रूपमा उनले लुम्बिनी प्रदेश प्रहरी कार्यालयको कमाण्ड सम्हालेका थिए भने एसएसपी हुँदा काठमाडौं जिल्ला प्रहरी परिसरको नेतृत्व गरेका थिए। त्यही समयमा चर्चित भुटानी शरणार्थी प्रकरणको अनुसन्धान र मुद्दा प्रकृया अघि बढाइएको थियो।
इमानदार, अनुशासित र जिम्मेवार प्रहरी अधिकारीका रूपमा चिनिने कार्कीले काठमाडौंदेखि उपत्यका र प्रदेशसम्मका चुनौतीपूर्ण जिम्मेवारीहरू सफलतापूर्वक सम्हालेको अनुभव राख्छन्। प्रहरी संगठनभित्र उनी एक साफ छविका अधिकृतका रूपमा परिचित छन्।
रुकुम पश्चिममा जीप–मोटरसाइकल ठोक्किँदा नलगाड–८ का एकको मृ**त्यु, दुई गम्भीर घाइते
मंगलबार, मंसिर ९, २०८२
बजार अनुगमनलाई तीव्र पार्दै वाणिज्य बिभाग
मंगलबार, मंसिर ९, २०८२- कुशे गाउपालिका ३ मा रहेको टावर संकट: ६ महिनादेखि जनतालाई ११ घण्टा ‘सञ्चारविहीन’ बनाउने टेलिकमको लापरबाही!
- रुकुम पश्चिममा जीप–मोटरसाइकल ठोक्किँदा नलगाड–८ का एकको मृ**त्यु, दुई गम्भीर घाइते
- सुर्खेतमा एमाले नेता महेश बस्नेतको आगमन : युवाहरूको सडक प्रदर्शनसहित विरोध, केहीबेर तन्हाइँ–पछि स्थिति सामान्य
- बजार अनुगमनलाई तीव्र पार्दै वाणिज्य बिभाग
- बिहान दुध चिया पिउनुका प्रमुख फाइदा
