कुसे गाउँपालिकामा अर्जुन रोकाया तरुण दल अध्यक्षमा सर्वसम्मत चयन

नेपाली कांग्रेसको भातृ संगठन नेपाल तरुण दल कुसे गाउँपालिकाको अध्यक्ष पदमा अर्जुन रोकाया सर्वसम्मत चयन भएका छन्।

रोकाया लामो समयदेखि नेपाली कांग्रेससँग जोडिएर युवाहरूको हकहित, नेतृत्व र संगठन निर्माणमा सक्रिय रहेकाले उनको सर्वसम्मत चयनलाई ‘युवाहरूको आशाको दियो’ भनेर अर्थ्याइएको छ।

विद्यार्थी जीवनदेखि नै नेतृत्व क्षमता प्रदर्शन गरेका रोकाया विद्यार्थीहरूको एकता र अधिकारका पक्षमा अग्रसर हुँदै आएका थिए। त्यसैको निरन्तरतामा उनले अहिले गाउँपालिका स्तरमा तरुण दलको जिम्मेवारी सम्हाल्ने अवसर पाएका हुन्।

रोकाया खेलकुदको विकास, सामाजिक कार्य र युवाको सशक्तिकरणमा समर्पित व्यक्तित्वका रूपमा परिचित छन्। उनको स्पष्ट विचार, नेतृत्व क्षमतासँगै संगठनप्रति देखाएको समर्पणका कारण युवाहरूले उनलाई नयाँ सम्भावना बोकेको नेता भनेर विश्वास व्यक्त गरेका छन्।

स्थानिय युवाहरूले रोकायाको नेतृत्वमा कुसे गाउँपालिकामा सकारात्मक राजनीतिक वातावरण सिर्जना हुने र सामाजिक–राजनीतिक क्षेत्रमा ठोस प्रभाव पार्ने अपेक्षा राखेका छन्।