जयगढ बजारमा भएको आगलागीमा एक घरसहित ९ पसल जलेर नष्ट

अछामको जयगढ बजारमा भीषण आगलागी भएको छ। खाना पकाउँदै गरेको सिलिन्डर विस्फोट भएर आगलागी भएको स्थानीयले बताएका छन्। आगलागीबाट एक घर, दुई सुनचाँदी पसल, एउटा मोबाइल पसल, एउटा भाडा पसल र ४ किराना पसल जलेर नष्ट भएको छ।

जिल्ला प्रहरी कार्यालय अछामका अनुसार कालु सुनार किस्मत सुनाको सुनचाँदी पसल, रतन साउदको घर, हिमाल साउदको मोबाइल पसल, रति साउदको भाडा पसल, रामबहादुर रावत, मन्जु साउद, रगोकुल साउदको किराना पसल जलेर नष्ट भएको हो। 

आगो नियन्त्रणका लागि मंगलसेन नगरपालिकाबाट दमकल पुगेको छ। आगो नियन्त्रणमा कठिनाई भइरहेको स्थानीयले बताएका छन्। आगो निभाउन पुगेको दमकल बजारभित्र जान नसक्दा जेसिबीले घर भत्काउने काम भइरहेको स्थानीय तारामान खड्काले जानकारी दिए।