राजतन्त्रको पक्षमा जनलहर छ भन्नु भ्रम: गृहमन्त्री लेखक

गृहमन्त्री रमेश लेखकले गणतन्त्रको विरुद्धमा जनलहर छ भन्ने कुरा साँचो नभएको बताएका छन्।

शुक्रबार बझाङमा भूकम्पीय पुनःनिर्माण तथा पुनःस्थापना आयोजना कार्यान्वयन इकाइ कार्यालय उद्घाटनका क्रममा बोल्दै गृहमन्त्री लेखकले राजतन्त्रको पक्षमा जनलहर छ भनेर भ्रम फैलाउन खोजिएको बताएका हुन्।

गणतन्त्रको विकल्प राजतन्त्र हुन नसक्ने भन्दै उनले व्यवस्थाविरुद्ध षड्यन्त्र भइरहेको बताए।

उनले भने,’अहिले राजतन्त्रको पक्षमा जनलहर छ भन्ने भ्रम फैलाउन खोजिँदै छ,’ उनले भने,’तर, गणतन्त्रविरुद्ध जनलहर छ भन्ने कुरा साँचो होइन।’