अमेरिकी राष्ट्रपति ट्रम्पले आफूलाई भेनेजुएलाको “कार्यवाहक राष्ट्रपति” घोषणा

अमेरिकाका राष्ट्रपति डोनाल्ड ट्रम्पले आफूलाई भेनेजुएलाको कार्यवाहक राष्ट्रपति घोषणा गरेका छन्। उनले आइतबार आफ्नो सामाजिक सञ्जाल ट्रुथ सोसलमा एक तस्बिर पोस्ट गर्दै आफूलाई ‘भेनेजुएलाको कार्यवाहक राष्ट्रपति’ भनेर देखाइएको विकिपिडियाको सम्पादित पृष्ठको तस्वीर सेयर गरेका छन्, जसका क्याप्शनमा सो उल्लेख गरिएको छ। 
यस समाचारका पृष्ठभूमिमा जनवरी ३ मा अमेरिकाको सैन्य कारबाहीमा भेनेजुएलाका राष्ट्रपति निकोलस मादुरो र उनकी पत्नी सिलिया फ्लोरेसलाई नियन्त्रणमा लिने घटना देखिन्छ। अमेरिकाको कारबाहीपछि मादुरोलाई न्युयोर्कमा मुद्दा चलाउन लगिएको जानकारी अन्तर्राष्ट्रिय सञ्चारमाध्यमहरूले दिएका छन्। 
मादुरोलाई नियन्त्रणमा परेपछि भेनेजुएलाको सर्वोच्च अदालतले पूर्व उपराष्ट्रपति डेल्सी रोड्रिगेजलाई कार्यवाहक राष्ट्रपति नियुक्त गरेको जनाएको छ। तर ट्रम्पले सामाजिक सञ्जाल मार्फत आफैंलाई नै उक्त पदमा भएको दाबी गरेपछि राजनीतिक द्वन्द्व अझै बढेको छ। 
अन्तर्राष्ट्रिय रुपमा यो कदमले आलोचना र चिन्ता पनि उत्पन्न भएको छ; कतिपय विश्लेषकले यसलाई अमेरिकाको वैधता र अन्तर्राष्ट्रिय कानुनी सीमाहरूमा प्रश्न उठाउने घटना भनेर हेर्ने बताएका छन्।