अखिल क्रान्तिकारीको कडा आपत्ति : “भिडियोकै आधारमा पूर्वाग्रहपूर्ण गिरफ्तारी, वकिल विष्णु ढुंगेललाई तुरुन्त रिहा गर!”

काठमाडौं । अखिल क्रान्तिकारीले सर्वोच्च अदालत जलाइएको घटनामा संलग्न भएको आरोपमा पक्राउ परेका वकिल विष्णु ढुंगेलको तत्काल रिहाइको माग गरेको छ। संगठनले एक विज्ञप्ति जारी गर्दै “भिडियोमा बोलेको आधारमा मात्र preconceived आरोप लगाएर गिरफ्तारी गरिनु न्यायिक प्रक्रिया र अभिव्यक्ति स्वतन्त्रतामाथिको सीधा हस्तक्षेप हो” भन्दै कडा विरोध जनाएको छ।

संगठनका अनुसार ढुंगेललाई प्रमाणविहीन रुपमा सार्वजनिक धारणा बनाउन खोजिएको छ। “कानून व्यवसायीका रुपमा तथ्य र विश्लेषण प्रस्तुत गर्नु अपराध होइन,” विज्ञप्तिमा उल्लेख छ, “मनगढन्ती आरोप लगाएर गिरफ्तारी गर्नु राज्य शक्तिको दुरुपयोगको उदाहरण हो।”

अखिल क्रान्तिकारीले ढुंगेलमाथिको कारबाही तत्काल फिर्ता गरी निष्पक्ष छानबिन सुनिश्चित गर्न सरकारलाई दबाब दिएको छ। संगठनले न्यायिक स्वतन्त्रता, वकिलको सुरक्षाकबल र अभिव्यक्ति स्वतन्त्रताको सम्मान गर्न सबै सरोकारवालालाई आह्वान गरेको छ।

यस घटनासँगै राजनीतिक र कानूनी वृत्तमा चर्को बहस सुरु भएको छ। संगठनले चेतावनी दिँदै भनेको छ—

“मनपरी गिरफ्तारीको परम्परा रोकिनुपर्छ, ढुंगेललाई अबिलम्ब रिहा गर।”