बाँसगढीमा प्रथम बाल सम्मेलन एवम् बाल फेस्टिवल २०८२ : बालबालिकाको उत्साह र परिवर्तनको सन्देश

कार्यक्रममा बाँसगढी नगरप्रमुख खडक बहादुर खड्काको प्रमुख आतिथ्य रहेको थियो। बिशिष्ट अतिथि उपप्रमुख इन्दिरा चौधरी , निमित्त प्रसासकिय अधिकृत मनप्रसाद रेग्मी , नगरका कर्मचारी, युवास सञ्जाल  स्थानीय बुद्धिजीवी, बाँसगढी नगरका विद्यालयका बालबालिका, अभिभावक र समुदायका विभिन्न व्यक्तिहरूको उल्लेख्य सहभागिता रह्यो। यो कार्यक्रमले बालबालिकालाई अवसर प्रदान गर्दै उनीहरूको प्रतिभा र सम्भावनालाई प्रोत्साहन गर्ने मञ्चको रूपमा काम गर्यो।
बालबालिकाको सिर्जनशीलता र कला प्रदर्शनकार्यक्रममा बाँसगढीका बालबालिकाले विभिन्न सांस्कृतिक र कलात्मक प्रस्तुतिहरू मार्फत आफ्नो प्रतिभा प्रदर्शन गरे।

नृत्य, गायन, , कविता,गजल वाचन र अन्य रचनात्मक प्रस्तुतिहरूले उपस्थित सबैको मन जित्यो। यी प्रस्तुतिहरूले बालबालिकाको आत्मविश्वास र सिर्जनशीलतालाई उजागर गर्नुका साथै सामाजिक मुद्दाहरूप्रति उनीहरूको सचेतना पनि झल्कायो। विशेषगरी, बालविवाह, शिक्षा, स्वास्थ्य र लैङ्गिक समानताजस्ता विषयमा प्रस्तुत कविताहरूले दर्शकलाई गम्भीर बनायो।

शिक्षा, स्वास्थ्य र बालविवाह अन्त्यको सन्देशयो फेस्टिवलले बालबालिकाको शिक्षा, स्वास्थ्य, कला, खेलकुद र सामाजिक मुद्दाहरूलाई समेटेर महत्वपूर्ण सन्देश प्रवाह गरेको छ। बालविवाहजस्ता सामाजिक कुरीतिलाई अन्त्य गर्न र बालबालिकालाई गुणस्तरीय शिक्षा तथा स्वस्थ वातावरण प्रदान गर्नुपर्नेमा जोड दिइएको थियो। नगरप्रमुख खडक बहादुर खड्काले आफ्नो सम्बोधनमा भने, "हाम्रा बालबालिका नै भविष्यका कर्णधार हुन्। उनीहरूलाई सही अवसर र मार्गदर्शन प्रदान गर्न सक्यौं भने समाजमा सकारात्मक परिवर्तन सम्भव छ।" उनले नगरपालिकाले बालबालिकाको हितमा विभिन्न कार्यक्रमहरू सञ्चालन गर्ने प्रतिबद्धता पनि व्यक्त गरे।
बाल सहभागिताको महत्वकार्यक्रमले बाल सहभागितालाई विशेष जोड दिएको थियो। बाल सञ्जालका प्रतिनिधिहरूले आफ्ना विचार र योजनाहरू प्रस्तुत गर्दै समाजमा बालबालिकाको आवाजलाई सुनिश्चित गर्नुपर्नेमा जोड दिए। "हामीलाई अवसर चाहिन्छ, हामी परिवर्तनको रंग ल्याउनेछौं," एक बाल सहभागीले भने। यो सन्देशले बालबालिकालाई केवल निष्क्रिय सहभागीको रूपमा नभई सक्रिय परिवर्तनकारीको रूपमा स्थापित गर्न प्रेरित गरेको छ।
खेलकुद र मनोरञ्जनकार्यक्रममा खेलकुदका विभिन्न गतिविधमा संलग्न खेलाडीहरूको हौसलाको लागि पुरस्कार वितरण गरियो  ।  बालबालिकालाई मनोरञ्जनसँगै जीवनका महत्वपूर्ण सीपहरू सिक्ने अवसर प्रदान गर्‍यो।
सामुदायिक सहभागिता र भविष्यको प्रतिबद्धतास्थानीय बुद्धिजीवी र शिक्षकहरूले यो फेस्टिवलले बालबालिकालाई समाजको केन्द्रमा राखेर उनीहरूको विकासमा जोड दिने एउटा सकारात्मक सुरुवात भएको बताए। बाल सञ्जालले आगामी दिनमा यस्ता कार्यक्रमहरूलाई निरन्तरता दिँदै बालअधिकार, शिक्षा र स्वास्थ्यमा थप पहल गर्ने योजना बनाएको छ।
यो प्रथम बाँसगढी बाल सम्मेलन एवम् बाल फेस्टिवल २०८२ ले बालबालिकाको क्षमता र सम्भावनालाई उजागर गर्नुका साथै सामाजिक परिवर्तनको लागि उनीहरूको भूमिकालाई स्थापित गरेको छ। "हाम्रो हातमा शक्ति, हाम्रो मनमा उमङ्ग" भन्ने नारालाई सार्थक बनाउँदै बाँसगढीका बालबालिकाले परिवर्तनको रंग ल्याउने संकल्प गरेका छन्। यो कार्यक्रमले बाँसगढी नगरलाई बालमैत्री र समावेशी समाज निर्माणको दिशामा अघि बढाउन महत्वपूर्ण योगदान पुर्‍याएको छ।