गृहमन्त्री लेखकको स्पष्टिकरण : "भिजिट भिसा प्रकरणमा मेरो संलग्नता छैन"

गृहमन्त्री रमेश लेखकले भिजिट भिसा प्रकरणमा आफूमाथि लागेका आरोपहरू असत्य र षड्यन्त्रपूर्ण भएको जिकिर गरेका छन्। बुधबार संसद् भवनमा आयोजित पत्रकार सम्मेलनमा उनले आफूलाई नियोजित ढङ्गले बदनाम गर्न खोजिएको दाबी गरे।

सहसचिव तीर्थराज भट्टराईसँग जोडेर आफ्नो नाम मुछिएकोप्रति असन्तुष्टि जनाउँदै गृहमन्त्री लेखकले भने, “यसमा मेरो कुनै संलग्नता छैन। मेरो विरुद्ध नियोजित ढङ्गले आक्रमण गरिएको छ, यो षड्यन्त्रपूर्ण छ।”

उनले भिजिट भिसा प्रकरणमा अख्तियार दुरुपयोग अनुसन्धान आयोगको अनुसन्धानलाई खुला रूपमा स्वागत गर्ने बताए। “आयोगको अनुसन्धानमा कतैबाट पनि प्रभावित पारिनुहुन्न,” मन्त्री लेखकले भने, “कानूनी प्रक्रिया अनुसार सत्य तथ्य बाहिर आउँछ भन्नेमा म पूर्ण विश्वस्त छु।”

हालै भिजिट भिसा प्रकरणमा सरकारका उच्चपदस्थ व्यक्तिहरूको नाम जोडिँदै आएको छ। मन्त्री लेखकले भनेझैँ, यदि कसैले गैरकानुनी कार्यमा संलग्नता देखाएमा कानूनी कारबाही अघि बढ्नुपर्ने मागसमेत सर्वत्र उठिरहेको छ।