हृदयराज मिश्र नेपाल विद्यार्थी संघको कानुन विभाग प्रमुखमा नियुक्त

नेपाल विद्यार्थी संघ (नेवि संघ) का केन्द्रीय सदस्य हृदयराज मिश्रलाई संगठनको कानुन विभाग प्रमुखको जिम्मेवारी प्रदान गरिएको छ।

नेवि संघमा लामो समयदेखि सक्रिय भूमिका खेल्दै आएका मिश्र विद्यार्थी हकअधिकार, शिक्षा नीति तथा कानुनी चेतनाका सवालमा अग्रसर रहँदै नेतृत्वदायी भूमिका निर्वाह गर्दै आएका छन्। कानुन विभाग प्रमुखको रूपमा अब उनले संगठनभित्र कानुनी नीतिगत अभियानलाई अझ सुदृढ बनाउने अपेक्षा गरिएको छ।

नेवि संघका केन्द्रीय अध्यक्ष दुजाङ शेर्पाले औपचारिक रूपमा पत्र हस्तान्तरण गर्दै मिश्रलाई उक्त जिम्मेवारी दिएका हुन्। नियुक्ति कार्यक्रममा दर्जनौंभन्दा बढी केन्द्रीय सदस्यहरूको उपस्थिति रहेको थियो, जसले कार्यक्रममा उत्साहजनक वातावरण बनाएको थियो।

जिम्मेवारी प्राप्त भएको अवसरमा मिश्रलाई विभिन्न राजनीतिक, कानुनी तथा शैक्षिक क्षेत्रका व्यक्तित्वहरूले सामाजिक सञ्जालमार्फत बधाई तथा शुभकामना व्यक्त गरेका छन्।